08-07-2025
Australia tus coj tsis pom zoo nrog cov kev teeb tsa National Taskforce daws cov antisemitism
Xov xwm luv tshaj tawm hnub zwj Quag (Tuesday news 08.07.2025): Thawj pwm tsav Anthony Albanese tsis lees paub tej lus nqua hu ntawm lub koom haum Council of Australian Jewry thiab lwm pab nom teb chaws kom teeb tsa pawg National Taskforce los tawm tsam nrog tej xwm txheej faib cais ntxub ntxaug tsis nyiam neeg Jews tom qab tau muaj ib co xwm txheej no tau tshwm sim rau 2 hnub so dhau los. Meskas tus President Donald Trump tau qhia tias yuav tsub se 25 feem pua rau tag nrho txhua yam khoom xa ntawm teb chaws Japan thiab South Korea muag rau Meskas txij tim 1 lub 8 hli ntuj mus. Thiab Mr Trump tau ceeb toom tias yog lub teb chaws twg tseem nce se pauj ces yuav tsub se kom ntau ntxiv rau. Tsis tas li ntawd los Meskas kuj tau qhia tias tsub 25 feem pua rau Malaysia, thiab Kazakstan, thiab tsub 30 feem pua rau South Africa ua ke no tsub 40 feem pua rau Nplog thiab Phabmab. Thiaj ua rau Lee Jae Myung uas yog South Korea tus presiden hais tias nws yuav nrog xyuas kom muaj sij hawm ntau tuaj ntxiv los sib khom, tom qab tau muaj ib txhia teb chaws li Askiv, Cob tsib thiab Suav tuam tshoj tau sib khom kom txo tau tej reciprocal tariff tsawg nrog Meskas lawm. Australia lub koom haum tswj cov kev nyab xeeb txog pej xeem cov kev ya dav hlau tau ceeb toom rau tej zej tsoom sawv daws uas xav mus ntoj ncig kom kub siab txog cov kev npaj ntim koom kom tau txais kev nyab xeeb, hais tsi ntsees txog cov roj teeb lithium batteries. UN lub tuam chav hauj lwm tau muaj ib co kev tawm suab txog tej poj niam thia tej me nyuam ntxhais tej cai ntawm teb chaws Afghanistan rau lub caij tsu tsoom fwv Taliban tswj hwm. Ces thiaj tau muaj 116 lub teb chaws tawm suab pom zoo, 12 lub tsis kam tawm suab thiab muaj 2 lub uas yog Meskas thiab Israel tawm suab tsis pom zoo. Donald Trump uas yog Meskas tus president tau noj ib plua hno nrog Benjamin Netanyahu ntawm tsev dawb thiab tau sab laj txog kev pab kev ruaj ntseg rau Gaza thaib yuav xa cuab yeej tsov rog pab rau Ukraine tom qab limtiam dhau los uas tau hais tias ncua tsis xa pab rau Ukraine. Tib lub caij no los kuj muaj zejzog pej kum haiv tej chaw nthuav xov xwm tau tshaj tawm tias Nplog tau xa 50 tus tub rog daws meem thiab nplaum mus pab Russia ntawm cheeb tsam Kursk tom qab tau ob xyoos tsis ntev los no uas Russia tau pab ib co tsheb tanks qub rau Nplog. Meskas tus President Donald Trump tau hawv tias yuav tsub se tshab 10 feem pua rau cov teb chaws tub koom siab ntawm lub koom haum BRICS. 11 lub teb chaws tub koom siab ntawm lub koom haum no tseem tab tom koom rooj sab laj ntawm Brazil lub tuam ceeb Rio de Jenario ob hnub uas muaj hom phiaj pab kom tau txais kev ncaj nces thiab siv tau cov system ua tau ntau theem lagluam. Touitre News tau qhias tias lub caij Cob tsib tub coj tau ntsib Brazil tus coj ntawm BRICS summit ces tau muaj Brazil ntau cov tuam txhab lagluam xav nqes peev rau tej lagluam biofuel, aerospace thiab agriculture.
